Nokia nis betejën kundër të pathyeshmit iPhone

[The-Best.=]]

Nokia nis betejën kundër të pathyeshmit iPhone


Nokia e ka pranuar sfidën e iPhone prandaj
javën e ardhshme planifikon të paraqes celularin e saj të parë me ekran
të ndjeshëm në prekje i cili, gjoja, është një kërcënim serioz për
celularin jashtëzakonisht të popullarizuar të kompanisë Apple - iPhone.

Gjatë dy viteve të fundit, një numër i madh i prodhuesve kanë depërtuar në industrinë e ekraneve të ndjeshëm në prekje, si LG, Samsung apo Sony Ericsson e madje edhe Google,
mirëpo në këtë segment Nokia është vonuar. Sipas burimeve të agjencisë
së lajmeve Reuters, Nokia, prodhuesi më i madh i celularëve në botë, do
të zbuloj celularin e vet me emrin kodues "Tube" gjatë një ngjarje të madhe e cila do të ndodhë më 2 tetor në Londër.

"Nokia është nën presion të madh kur
merret parasysh se prej prodhuesit më të madh të celularëve të gjithë
presin shumë, e që një vjet e gjysmë ajo nuk ka hyrë në botën e
celularëve me ekran të ndjeshëm në prekje", ka deklaruar analistja e
kompanisë Gartner, Carolina Milanesi.

Për shkak të shtyrjes së gjatë të prodhimit të celularëve me touch-screen aksionet e Nokias kanë rënë për 50
për qind nga fillimi i këtij viti dhe tani kushtojnë 13.21 euro për
aksion. Mirëpo, nuk ka arsye për brengosje, sepse Nokia gjithmonë
“është vonuar” me modelet inovative, mirëpo disi gjithmonë i ka shkuar
për dore të korr sukses.

Zëdhënësit e Nokias për modelin e ri “Tube”
nuk kanë pasur komente, mirëpo shumë njerëz besojnë se nuk do të
paraqitet vetëm një pajisje me ekran të ndjeshëm në prekje por një seri
e tërë. Së paku kështu ka qenë në të kaluarën e Nokias e cila
shpeshherë gjatë një herë ka paraqitu serinë prej 3-4 celularësh.